Skip to content
سرتاک راستگال
سید ھاشمی ریفرنس کتابجاہءِ نوکیں گامگیج. ھنچوش کہ کتابجاہءِ دہ سالی مراگش ءِ توکءَ جار جنگ بوتگ کہ کتابجاہ زوت زبانءِ سرءَ وتی گاماں ترند تر کنت ۔ اے ردءَ کتابجاہءَ گامگیج چست کتگءَُ غلام رسول کلمتیءِ سروکیءَ کتابجاہءَ راستگال (ڈکشنری)ءِ سرءَ کار بنگیج کتگ ۔
سید ھاشمی ریفرنس کتابجاہ ءِ بُنی مولءَُ مراد ھمیش انت کہ بلوچی زبانءَ گیشءَ چہ گیش گوں سائنسی دور ءَ ھمگْرنچی ءِ جُہدبہ کنت۔ اے ردءَ سید ھاشمی ریفرنس کتابجاہ یک راستگال یےءِ سرءَ دیر انت کہ کار بنگیج کتگ ات، نوں اے راستگال وتی گُڈی دروشم ءِ نزیکءَ رستگ۔ مئے جہد ھمیش انت کہ اے راستگال نہ ایوکا لبزانی بزانتانی یک گنجے بہ بیت بلکیں آ دُور ءَُ دراجیں دمگاں گوں یک دومیءَ ھمگْرنچ ھم بہ کنت۔ اے ردءَ کوہ سلیمان ءَ بگر داں بولان، سیستان، مکران، جہلاوان، سراوان، آواران ءَُ روایرشتی بلوچستانءِ راجدوست ءَُ زبان دوستاں دسبندی اِنت کہ اگاں کسے ءِ گْورءَ چوشیں لبزانی گنجے ھست آمارا اگاں وتی لبزانی گنج ءَُ مڈیءَ شات کنت ما آئیانی منت وار بئیںءَُ آئیءِ نام ھم مئے راستگالءِ جہدکارانی توکءَ ھوار کنگ بیت۔ امیت انت کہ گوں ما ھمراہ داری ءَُ ھمکاری کن اِتءَُ زوت وتی لبزاں پما دیم دئت پرچا کہ راستگال ءِ کار چوناھا داں مزنیں حدےءَ سرجم بوتگ ۔ ما شمئے ھمکاری ءَُ کمکاریءِ وداریگ ایں۔
شمئے منتوار
سید ھاشمی ریفرنس کتابجاہ
شما وتی کاگدءَُ کراچاں جہلءِ ڈسءَ دیم دات کن اِت ۔
کاگدءَُ کراچءِ ڈس: سید ھاشمی ریفرنس کتابجاہ ،دہکان گارڈن ، ملوک ھوٹل ملیر ،کراچی۔
ای میل:shrl03@hotmail.com فیس بکءِ آئی ڈی: www.facebook.com/shrlibrary
سرتاک راستگال
Tags: Baloch, Balochi, Balochistan, Dictionary, Ghulam, Hashmi, Kalmati, Library, Malir, Rasool, Reference, Sayad, Sayad Hashmi Reference Library, بزانت, بزانت بلتد, بزانت بلد, بلوچ, بلوچی, ڈکشنری, راستگال, رسول, سید ھاشمی ریفرنس کتابجاہ, غلام, غلام رسول کلمتی, کلمتی, گال, لفط, لفط بلد
You Might Also Like