سید ھاشمی ریفرنس کتابجاہ ءِ لس مجلس دیوان ءُ گچین کاری
سید ھاشمی ریفرنس کتابجاہ دوسالی کابینہ ءِ مدت سرجم بوہگ ءَ پد 5 جنوری 2025 یک شمبے روچ ءَ کتابجاہ ءِ ماڑی ملیر ءَ گچین کاری برجم دارگ بوت ۔ اے نیام ءَ کارگشاد ءُ کلیت دار ءِ دو سالی رپورٹ باسکانی دیم ءَ پیش کنگ بوت ۔ رپورٹ پیش کنگ ءَ پد پیشیگیں کابینہ ءِ دو سال سرجم بوہگ ءِ رد ءَ پیشیگیں کابینہ ءِ کارمستر واجہ اکبر ولی ءَ کابینہ ءِ پرْوشگ ءِ جار جت ۔ آئین ءِ رد ءَ الیکشن کمیشن جوڑ کنٸگ بوت کہ الیکشن کمیشن ءِ چیٸرمین واجہ شبیر رخشانی اَت ءُ باسکانی تہا تنویر مرزا ءُ ماجد شاد ہوار اِت اَنت ۔
باسکاں نامینتگیں اگہدہانی رد ءَ وتی کاگد پُر کت اَنت ۔ گچین کاری ءَ جہلءِ اگدہانی رد ءَ باسک گچینگ بوت اَنت ۔
نوک گچین بوتگیں کابینہ ءِ باسک چوش اَنت .
کارمستر واجہ ڈاکٹر رمضان بامری ، کمک کارمستر ( اولی ) اکبر ولی ، کمک کار مستر ( دومی ) واجہ کامریڈ عبدالواحد ، کارگشاد جمال ناصر، کمک کارگشاد زھیر احمد زھیر، کلیت دار سلمان بلوچ، شنگ کار واجہ مشتاق رسول، رابطہ کاردار ڈاکٹر عاصم زہیر کارگس دار واجہ ظریف محمود سوب مند اَنت ۔
سلاہکار کمیٹی ءِ زالبولانی بہر ( نشست ) ءَ بانک اسماء غنی ، چہ ایشی ءَ ابید سلاہکار کمیٹی ءَ پروفیسر ڈاکٹر رحیم مہر، استاد اصغر علی آزگ، واجہ غلام رسول بلوچ، واجہ اختر قاضی ءُ نثار احمد بلوچ گچین کاری ءَ سوب مند بوت اَنت۔ الیکشن کمیشن ءِ چیئرمین واجہ شبیر رخشانی ءَ چہ نوک گچین بیتگیں کابینہ ءَ سوگند زُرت ۔
الیکشن کمیشن ءِ چیئرمین واجہ شبیر رخشانی ءَ چہ نوک گچین بیتگیں کابینہ ءَ سوگند زُرت
دیوان ءِ گڈسر ءَ کتابجاہ ءِ نوک گچین بوتگیں کماش پروفیسر ڈاکٹر رمضان بامری ءَ نوکیں گچین کاریاں سو بمندیں باسک مبارک بادی دات اَنت ءُ گْوشت کہ امیت اِنت نوکیں کابینہ وتی ذمہ واریاں پیلو کنت ءُ شمے جہد الم استاد صبا ءِ دیستگیں واباں مرادانی منزل ءَ سر کن اَنت ۔
