لس مجلس ءُ گچین کاری

لس مجلس ءُ گچین کاری
کراچی ءَ سید ہاشمی ریفرنس کتاب جاہ ءِ ماڑی ءَ 8 می گچین کاری ءِ لس مجلس 13 جنوری 2019 ءَ یکشمبے ءِ روچ ءَ برجم دارگ بوتگ۔ لس مجلس ءِ دیوان ءِ پاگواجہی کتاب جاہ ءِ پیسریگیں صدر غلام رسول بلوچ ءَ کتگ۔ دیوان ءَ حساب دار ءَ دیمروی نگدال 2017 ءُ 18 دیوان ءَ پیش کتگ ۔ حسابدار ءِ ردا اِے وہد ءَ کتابجاہ ءِ گورا بیست ءُ چار لکھ نود ءُ چار ہزار، دوسد ءُ ہشت کلدار اَنت۔ سال 2018 ءَ حرچ بوتگیں زر 5 لکھ سی ءُ دو ہزار پنچ سد ءُ ہشتاد کلدار اَنت ءُ کتاب جاہ ءَ 2018 ءَ چار لکھ پنجاہ ءُ یک ہزار سئے سد ءُ پنجاہ ءُ نوھ کلدار رستگ۔ آئی ءَ پد باسکاں کتاب جاہ ءِ اگدھ دار جُست ءُ پُرس کتگ انت کہ آہانی پسہ حساب دار ءُ پیسریگیں صدر ءَ داتگ انت۔ لس مجلس ءَ پد گچین کاری بوتگ ءُ گچین کاری ءِ ڈبہ رحیم مہر، اسحاق خاموش ءُ رؤف بلوچ ءِ کوپگاں بوتگ۔

کتاب جاہ کابینہ

کارمستر ڈاکٹر رمضان بامری

نائب کامستر اول واحد بلوچ

نائب کارمستر دوئم غلام رسول بلوچ

کارگشاد بشیر بلوچ

نائب کارگشاد شرف شاد

رابطہ کاردار چندن ساچ

شنگکار سجاد علی بلوچ

کلیت دار سلمان بلوچ

کارگس کاردار ظریف بلوچ

کہ بےمقابلہ ءَ گچین کنگ بوتگ انت۔

انتظام کار ءِ واستا گچین کاری بوتگ کہ آہانی تہا اقبال ہاشمی، ناصر جمال، خالد بلوچ، روشن علی رژن، پروین ناز، زیتون کریم سوب مند بوتگ انت۔